Philosophia Botanica | Fructificatio | 104

104. SEMINA differre observantur quoad α. Numerum, Loculamenta; β. Figuram, Substantiam, Coronulam, Arillum; γ. Magnitudinem; δ. Corculum; e. Receptaculum.

Numerus	ex Systemate Rivini desumendus. Monosperma: Polygonum, Collinsonia. Disperma: Umbellatae, Stellata. Trisperma: Euphorbia. Tetrasperma: Asperifoliae, Verticillatae.
Loculamentum	plerisque unicum. Biloculare: Cornus, Xanthium, Locusta, Valeriana, Cordia.
Figura:	Cinctum: Arenaria, Bryonia. Cordiforme, Reniforme, Ovatum. Echinatum: Lappula Myosotidis.
Substantia	Ossea: Nuces, Corylus, Lithospermum. Callosa: Citrus.
Coronula,	Calyculus ex perianthio floris: Scabiosa, Knautia, Ageratum, Arctotis. Pappus Capillaris (simplex filiformis): Hieracium, Sonchus.           Plumosus (villosus compositus): Crepis, Scorzonera, Tragopogon.           Paleaceus: Bidens, Silphium, Tagetes, Coreopsis.           Nullus (Nudum semen): Tanacetum.
Arillus	quibusdam Calyptra dictus: Coffea, Jasminum, Cynoglossum, Cucumis, Dictamnus, Diosma, Celastrus, Euonymus.
Magnitudo	minima: Campanula, Lobelia, Trachelium, Ammannia, maxima: Coccus
Situs,	Nidulantia; per pulpam sparsa: Nymphaea. Suturae adnexa: Siliquosae. Columellae adfixa: Malva. Receptaculis insidentia: Nicotiana, Datura.
Receptaculum	compositorum praecipue investigandum. Figura planum: Achillea.           convexum: Matricaria.           conicum: Anthemis, Melampodium. Superficie nuda: Matricaria.           punctata: Tragopogon.           villosa: Andryala.           setosa: Centaurea.           Paleacea: Hypocheris, Anthemis. Simplicium receptacula fructus singularia in Magnolia, Uvaria, Mechelia.

Hilum evidentissimum in Cardiospermo, Staphylaea.

Hilo proximum est Corculum.

Sedes corculi est vel in apice vel basi seminis. Caesalpin.

Plantula gignitur, vel qua parte Pedunculus adhaeret, vel prorsus contra. Quae gignitur qua parte Pedunculus adhaeret, exporrigit ad Pedunculum radices, folia autem ad apicem. Quae vero gignitur in apice, folia extendit pedunculum versus, radices autem ad apicem. Joseph. ab Aromatariis de Seminibus 4. 5. 6.