Philosophia Botanica | Characteres | 151
VI. CHARACTERES.
151. FUNDAMENTUM Botanices (4) duplex est: Dispositio & Denominatio.
Syst. nat. veget. 2. Fundamentum Botanices consistit in Plantarum Diuisione & Denominatione Systematica: Generica & Specifica.
Class. plant. 4. Nomina plantarum debent esse certa, adeoque imposita certis Generibus.
Dispositio est Denominationis fundamentum.
Scientia Botanices his cardinibus nititur; Sic plantae omnes uno anno, primo intuitu, absque praeceptore, sine iconibus aut descriptionibus, constanti memoria addiscuntur. Ergo qui hoc nouit, Botanicus est, alius non.