Tournefort. Classis est congeries generum, quibus nota quaedam communis adeo propria est, ut ab aliis omnibus generibus plantarum prorsus differat.

Naturales dari classes (§. 77.) ita creatas patet ex plurimis: Umbellatis, Verticillatis, Siliquosis, Leguminosis, Compositis, Graminibus, &c.

Artificiales classes succedaneae sunt naturalium. usque dum omnes naturales sunt detectae, quas plura genera, nondum detecta, revelabunt, & tum limites classium difficillimi evadant.

Cavendum ne imitando naturam filum ariadneum (156) amittamus, uti Morisonus & Rajus.