Philosophia Botanica | Characteres | 172
172. Si nota aliqua fructificationis singularis (105) vel sui generis propria (171) in speciebus non omnibus adsit, ne plura genera accumulentur, cavendum.
Erica & Andromeda antea genere juncta fuere, sed antherae bicornes Ericae propriae.
Ranunculus adsumpsit antea Adonidem, sed Adonis caret poris nectariferis.
Aloe & Agave idem genus constituebant, sed stamina in hac non receptaculo, at corollae inserta, utrumque genus distinguunt.