Philosophia Botanica | Characteres | 206
206. Classes quo magis naturales, eo, ceteris paribus, praestantiores sunt.
Adfines conveniunt habitu, nascendi modo, proprietatibus, viribus, usu.
Summorum Botanicorum hodiernus labor in his sudat, & desudare decet.
Methodus naturalis hinc ultimus finis Botanices est & erit.
Obicem Methodi naturalis objicere tria praeprimis obstacula.
- Neglectus Habitus plantarum, post excultam doctrinam fructificationis, praesertim foliationis novae p. 105.
- Defectus Generum Exterorum, nondum detectorum.
- Adfinitas Generum ab utraque parte.
Linnaea media est inter stellatas 44. & Valerianam 18. & Loniceras 63.
Cornus connectit Stellatas 44, Aggregatas 18, Dumosas 19.
Juncus Calamarias 13, Gramina 14, Coronarias 9, sociat.
Dodecatheon Cortusam & Cyclamen conciliat.
Hyoscyamus calyce inflato H. ups. 2. Physali adfinis sit.
Hibiscus petiolis floriferis H. ups. 1. Tournerae itidem petiolis floriferis adsociatur; sine cognitione Petioli fructificantis nemo indagaret Tournerae adfinitatem cum Hibisco.