Philosophia Botanica | Differentia | 264

264. Locus natalis species distinctas non tradit.

Locum non debere nomen specificum intrare, multae rationes suadent.

1. Nullus facile adiret Japoniam, Caput Bonae Spei Peruviam, ut noscet plantam.
2. Mutatur saepius Locus, Alpinae plantae omnes summeque montanae, extra alpes paludosae evadunt.

3. Non unicus est locus ejusdem speciei:
   Lapponia, Sibiria, Canada,
   Asia, America easdem saepius alit.

4. Hortus Paradisiacus coercet saepe ex toto orbe plantas.
5. Quis plantam sibi porrectam absque loco non studeret dignoscere.
6. Botanicis in Herbario, Medicis in Pharmacopolio aridet nosse species.
7. Respectivus est locus ad nos, nostramque cognitionem in Europa.

Planta sine loco concipi nequit; accidentalis tamen est, licet proximus, mutabilis vero maxime, hinc nequit nomen specificum intrare.

Erronea Nom. Specif. a Loco desumta statuimus omnia esse, sive ea a Solo, sive a Regione, sive a Frequentia desumta sint.

a Solo.
Valeriana	sylvestris.
	palustris.
	campestris.
	montana.
	alpina.
Mentha	arvenis.
	aquatica
Alsine	nemorum.
	pratensis.
	littoralis.
Vicia	Segetum.
	Sepium.
	Dumetorum.
Glaux	maritima.
Sedum	rupestre.
Muscus amans uvida.
Erisimum juxta muros.

a Regione.
Sagittaria	Europaea.
Acrostichum	Septentrionalium.
Calceol. mar.	Lapponum Rd.
Pentaphylloides	Suecicum Pluk.
Bugula	Suecica Mor.
Acetosa	Moscovitica Mor.
Cochlearia	Danica C. B.
Cochlearia	Batavica Hr.
Cochlearia	Brittanica Dod.
Cochlearia	Anglica.
Cytisus	Germanicus.
Pulmonaria	Gallica.
Tamariscus	Narbonensis.
Iris	Florentina.
Salicornia	Cretica.
Aster	Atticus.
Ranunculus	Turcicus.
Iris.	Chalcedonica.
Iris.	Damascena.
Lilium.	Persicum.
Stoechas	Arabica.
Fritillaria	Capitis Bonae Spei.
Virga aurea	Novae Angliae.
Virga aurea	Marilandica.
Filix	Brasiliensis.

a Frequentia.

Oenanthe rara R.

Clematis peregrina C. B.

Valeriana hortensis.

Scabiosa communior J. B.

Hydrocotyle vulgaris.

Muscus vulgatissimus.