Philosophia Botanica | Differentia | 284
284. Nomen genericum singulis Speciebus applicari debet.
Speciebus ad Genera redactis adsumant Species nomen generis, ut ex nomine constet de plantae nominatae genere.
Nomen Genericum valet in Republica Botanica uti nummus.
Rajus & Morisonus saepius reduxere Species ad Genera, sed nomina Generis non assumsere.
Stoechas. Raj. hist. 280.
- Stoechas citrina germanica, latiore folio.
- Chrysocome aethiopica, plantaginis folio.
- Helichrysum abrotani feminae foliis.
- Elichrysum creticum.
- Stoechadi citrinae alteri inodorae Lobelii affinis.
- Gnaphalium montanum album.
Sic, qui citatum Raji nomen audit, de genere nullam ideam habet, nisi viso libro.