Philosophia Botanica | Differentia | 290
290. Nomen Specificum Essentiale (288) notam differentiae singularem, suaeve speciei tantummodo propriam exhibet.
Nomen specificum essentiale absolvitur unico alterove vocabulo s. unica idea.
Stabilitis Generibus & Speciebus, essentiali differentia determinatis, summum apicem in re Herbaria tetigimus. Si Botanici eo tandem perveniant, ut omnes species nomine essentiali determinare queant, non datur ultra.
Praestantia nominis commendat se brevitate, facilitate, certitudine.
Valent nomina essentialia absque citatione, quod alia nomina nunquam.
Synopsis, detecto nomine essentiali, non admittenda est in differentia specifica: allaborandum itaque, ut ad metam tandem perveniamus propositam.
Eriphoram spicis pendulis Flor. lapp. 22.
Plantago scapo unifloro Fl. lapp. 64.
Alchemilla foliis simplicibus Fl. lapp. 66.
Alchemilla foliis digitatis Fl. lapp. 67.
Menyanthes foliis ternatis Fl. lapp. 80.
Convallaria scapo nudo Fl. lapp. 112.
Convallaria foliis verticillatis Fl. lapp. 114.
Pyrola scapo unifloro Fl. lapp. 167. suec. 334.
Betula foliis orbiculatis crenatis. Fl. lapp. 342. suec. 777.