Philosophia Botanica | Differentia | 297

297. Nomen specificum nec comparativum, nec superlativum sit.

Comparativa Majus aut Minus, gradus Comparativus & Superlativus non admittenda sunt, cum praesupponant cognitionem alterius plantae:

Alsine altissima est minor Betula nana.

Contra autem sentiendum, ubi superlativus gradus adhibetur de plantae praesentis parte, & indicat partem esse maximam inter omnes plantae partes; tum enim egregia nota est:

Lobelia pedunculis brevissimis, tubo corollae longissimo. Roy.

Erronea sunt nomina specifica omnia, quae comparationem habent extra plantam.