Philosophia Botanica | Varietates | 306
IX. VARIETATES.
306. Nomini Generico (vii.) & Specifico (viii.) etiam varians, si quod (158), addi potest.
Varietates sunt plantae ejusdem speciei, mutatae a caussa quacunque occasionali.
Usus varietatum in Oeconomia, Culina, Medicina necessariam reddidit earum cognitionem in vita communi; ad Botanicos caeteroquin non spectant varietates, nisi quatenus Botanici curam gerant, ne Species multiplicentur aut confundantur.
Evidentiores varietates, ob usum publicum, ad finem differentiae inserat Botanicus, ubi necesse est.