Philosophia Botanica | Synonyma | 322
322. In Synonymis Auctor & Pagina ubique ad finem indicanda sunt.
Citatio operis in nominibus plantarum constabit genere & differentia s. Auctore & Libro.
Auctoris nomen solum non sufficit, cum idem auctor saepius plura scripta evulgavit; Fuere etiam saepius duo vel plures ejusdem nominis, vel in posterum possent plures prodire, eodem nomine inclarescentes; Sic dudum innotuere duo ejusdem nominis:
- Gesneri
- Bauhini
- Camerarii.
- Hermanni.
- Jussiaei.
- Scheuchzerii.
- Ammanni
- Knautii
- Volkamerii.
- Horstii.
- Milleri.
- Cordii.
- Rudbeckii.
- Commelini.
- Magnolii.
- Triumfetti.
- Montii.
- Besleri.
- Hoffmanni.
Opus solum pro citatione non sufficit, cum plurima vel prodiere dudum, vel prodibunt in posterum, sub eodem nomine, quae ansam confusionis praebent futuris seculis, nisi Auctor addatur.
- Hort. lugdb.
- Vorstii
- Pavii
- Schyylii
- Hermanni
- Boerhaavii
- Royeni
Hort. Patav.- Cortusi
- Guilandini
- Schenkii
- Veslingii
- Marcelli
- Turrei,
Flor. Parisin.- Cornuti
- Tournefortii
- Vaillantii
- Fabregowii
- Dalibardi.
Proprii Auctores solent excludere proprium nomen, & tantum operis mentionem injicere, vel, quod minus placet, etiam tantum eiusdem literas initiales, hoc ab aliis non erit imitandum.
| (Dill.) | Catal. Giss. | vel | C. G. |
| Hort. Eltham. | - - | H. E. | |
| Hist. Muscor. | - - | H. M. |
Compendiosissime & unico vocabulo nominetur opus, cujus litera initialis erit parva, Auctoris vero majuscula, ne citatio evadat diffusior, tamen evidens.
Pagina addatur ultimo, ut facilius evolvatur planta.