Nomina cujusvis loci vernacula in Floris specialibus multum lucis accendunt, non modo ut facilius ab incolis addiscantur plantae, sed & ut ex vulgi nomine, saepius ingenioso, natura plantae innotescat.

Barbara nomina ad finem Synonymorum collocentur, uti Rhedi Malabarica, Hermanni Zeylanensia, Kaempferi Japonica, Hernandi Mexicana, Marcgravii Brasiliensia, Rumpfii Amboinensia.