Philosophia Botanica | Vires | 364

364. Color Pallidus insipidum, Viridis crudum, Luteus amarum, Ruber acidum, Albus dulce, Niger ingratum indicat.

Lutea amara:

Gentiana, Aloë, Chelidonium, Curcuma, Flores lutei.

Ruber acidum:

Baccae Oxycocci, Berberidis, Ribis, Rubi, Mori.

Poma acida, Hippophaës Sorbi, Rosae, Cerasi.

Herbae versus autumnum rubescentes:

Acetosa, Oxalis, Lapathum sanguineum, Brassica.

Viridis crudum: Folia & Fructus immaturi.

Pallidus insipidum:

Lactuca, Cichoreum, Asparagus.

Albus dulce:

Ribes, Rubus, Mala dulcia, Pruna alba.

Nigra ingrata & saepius venenata.

Baccae Atropae, Actaeae, Coriariae, Solani, Tini, Empetri, Padi.

Acidi exploratores sunt colores caerulei s. violacei, e. gr.

Crotonis, violae, aliorum vegetabilium.

Caerulei colores ab acido rufescunt, ab alcali adfuso virescunt.

Papyro caerulea usus est Tournefortius, quae ab adfuso succo plantae mutata indicabat ejusdem qualitatem acidam aut alcalinam.