Philosophia Botanica | Fructificatio | 91

91. PETALORUM (86: 8) Numerus a basi Corollae: Laciniarum autem a medio Limbi aut Laminae desumendus est.

Rivini: Tot Petala numeramus, in quot resolvitur Flos deciduus.

Monopetali: Trientalis, Oxalis, Ledum, Anagallis, Veronica.

Pentapetali: Alsines.

Tetrapetalus Oxycoccus perperam habetur, licet in 4 partes resolvatur, nam antea unum erant.

Rivini: Quicunque flores supra fructum haerent fundo integro, monopetali sunt, etiamsi tales non decidant.

Quicunque in sinu suo fructum fovent, petalisque variis cohaerentibus constant, contrario, secundum numerum petalorum habendi, quamvis non defluant.

Polypetalorum numerus ab ordinibus insertionum determinatur, ut in Hepatica.

Graece enunciatur vulgo Petalorum numerus:
Apetalus, Petalodes, Monopetalus, Dipetalus, Tripetalus, Tetrapetalus, Pentapetalus, Hexapetalus, Polypetalus.

Segmenta corollae monopetalae a variis in oides terminantur: Pentapetaloides, Tetrapetaloides.

Perianthium difficilius distinguitur in monophyllum & polyphyllum.

Vaillantii: Si Calyx embryonem coronat, est monophyllus, unumque cum embryonibus corpus constituit.

Calyx monophyllus est, quoties monopetalus flos est, perperam.