Philosophia Botanica | Fructificatio | 96

96. PROPORTIO naturalissima (93) profert Calycem Corolla minorem, cum Staminibus & Pistillis longitudine aequalibus, si flos erectus est.
Nutans flos gerit Pistillum Staminibus longius.
Decumbens Stamina Pistillaque ad latus inferius declinata.
Adscendens vero Stamina Pistillaque sub latere superiore recondita.

Calyx brevior, quum gemma fructificationis sit.

Corolla magna in plerisque floribus evadit.

Stamina & Pistilla, vix calycem exsuperant in multis.

Nutans flos ut facilius foecundetur. §. 145.

Fritillaria, Campanula, Galanthus, Geranium.

hinc non ex proprio pondere.

Decumbens, in Cassia, Diadelphia omni.

Adscendens in Didynamia gymnosperna.

Pistillum ubi Staminibus brevius, connivent Antherae: Saxifragiae, Parnassia.