BOTANICUS.

Character Botanici sit Tyroni evidentissimus, ut distinguat veros Auctores ab eruditis Compilatoribus.

Verus Botanicus ubique Scientiam botanices excolit;
Rudis ostentator nihil in augmentum Scientiae confert.

Systematice plantas suas disponit verus Botanicus.
Nec absque ordine easdem enumerat.
Fructificationis principium in theoretica dispositione (152) agnoscit;
Nec dispositionem secundum Herbam (79) immutat.
Genera naturalia (162) assumit;
Nec Erronea ob speciei notam aberrantem (170) conficit.
Species distinctas tradit;
Nec e Varietatibus falsas fingit (283).
Varietates ad species reducit (317);
Nec eas, pari passu, cum speciebus obambulare sinit.
Synonyma praestantissima indagat & seligit;
Nec acquiescit in quacunque obvia nomenclatura.
Differentias characteristicas inquirat;
Nec inania nomina specifica praeponit veris (319)
Plantas vagas ad Genera amandare studet;
Nec rariores obvias fugitivis oculis adspicit.
Descriptiones, complectentes differentias essentiales, compendiose (327) sistit.
Nec naturalissimam structuram (93) oratorio sermone (199) ebuccinat.
Minimas partes (326) attente scrutatur;
Nec ea, quae maxime illustrant, flocci facit.
Observationibus ubique plantas illustrat;
Nec in vago nomine acquiescit.
Oculis propriis quae singularia sunt observat;
Nec sua solum, ex Auctoribus, compilat.

Magisti in Arte per hanc scalam Florae aedem adscenderunt;
Hodierni primarii hoc mihi facile largientur: uti