Philosophia Botanica | Tabulae, Instructiones | Herbatio
HERBATIO.
Excursiones Botanicae (a) a variis varie instituuntur, nobis sequentes in usu sunt.
Vestitus levissimus, laxissimus, Botanicis (b) proprius, (ubi licet), negotio aptissimus.
| Instrumenta: | Libri: Systema naturae, Flora, Faunaque Regionis. |
| Microscopium, Acus botanica, Cultellus botanicus, Plumbago. | |
| Vasculum Dillenianum (c), Papyra colligata. | |
| Capsula cum Aciculis pro insectis. |
Tempos a frondescentia arborum, excepto Sirio, ad earum defoliationem.
in hebdomade omni, aestatis bis, veris semel.
ab hora 7. matutina, in horam 7. vespertinam.
Leges Serovenientis, Discedentis, Absentis.
Divisionis, Pransionis hora 2, Quietis in h. 4, Secretarii.
Via: Congressus, dispersa ambulatio, Stationes.
Milliaria ad summum duo cum dimidio.
Collectio: Plantae, praecipue florentes, Musci &c.
Insecta, Amphibia, Pisces, Aviculae plumbo occisae.
Petrae, Minera, Fossilia, imprimis Terrae.
Demonstratio singula a Professore fiat intra horae ยท/2.
indigitentur collecta naturalia omnia cum numeris e libris.
Characteres essentiales Generis & speciei.
Singularia in objecto observanda.
Usus Oeconomicus, Medicus primarius.
Usus: Lecta in Natali oblectant, memoriam facilitant, habitum & naturam adumbrant.
Tot uno die objecta se offerunt, quot alias diebus commilitonum numerum aequantibus.
Adversaria a Secretario collecta, describenda in seros usus.
(a) Herbarisationes Gallis dictae.
(b) Vestitus Herbarisantis praeter Lintea sit Tunica brevis; Femoralia tenuissima prolixa ab hypochondriis ad talos: Calcei laeves: Pileus umbraculo amplissimo aut umbella, ne via, calor, aestus, sudor delassent.
(c) Vasculum Dillenianum: pelvis semicylindrica e cupro, longitudine unciarum novem, probe operculata, orificio amplo pro manu, latere plano modice concavo pro femore; ad plantas collectas aqua irrigatas, vivas servandas in vesperam.