TYRO.

Partes Plantae omnes sibi reddat notissimas.

Vulgatissimas plantas a facie Herbationibus discat dignoscere.

Colligat, Exsiccet, Adglutinet ipse plantas majores, quotquot poterit.

Fructificationis partes primarias discat distinguere.

Classes & Ordines systematis sibi reddat familiares, & simpliciores evidentioresque flores ad eosdem reducat.

Demonstrationibus in Horto frequenter adsit.

Terminos artis secundum definitones sibi habeat perspectos.

Genera sibi nota, circiter 50, secundum Genera plantarum examinet, collatis fructificationibus cum charactere.

Characteres Genericos 50, proprio marte, eadem methodo conficiat, & secundum Genera plantarum emendet.

Descriptiones specierum, 60. circiter, conficiat ex lege artis, incipiendo a simplicissimis plantis, procedendo ad difficiliores, quas corrigat Professor.

Ignotas sibi plantarum species investiget ipse secundum Claves, Characteres, Differentiasque systematis.

Principia & Fundamenta Botanices rite intelligat.

Historiam literariam Botanices sibi familiarem reddat, & imprimis Auctores de Speciebus plantarum consulendi.

Synonyma Auctorum, retrogrediendo ad inventores, evolvere adsuescat.

Usum plantarum speciebus adscribat, Medicum & Oedonomicum.