Philosophia Botanica | Fructificatio | 116

116. AGGREGATUS Flos, cum flosculis pluribus aliqua pars fructificationis communis est; diciturque Aggregatus proprie vel Compositus vel Umbellatus, vel Cymosus.

Aggregatus fit flos, cum plures flosculi mediante aliqua parte fructificationis omnibus communi ita uniuntur, ut alter flosculus demtus destruat formam totius, cujus pars est.

Commune in his est, Receptaculum aut Calyx.

Flosculus dicitur flos partialis floris aggregati.

Modi florum aggregatorum septem primarii sunt.

1. Umbellatus flos habet Receptaculum divisum in pedunculos, omnibus eodem centro exeuntibus.
2. Cymosus flos habet Receptaculum, divisum in pedunculos, ex eodem centro universali enatos, pedicellis vero vage prodeuntibus.
3. Compositus flos habet Receptaculum dilatatum integrum, flosculis fossibilibus.
4. Aggregatus flos (proprie dictus) habet Receptaculum dilatatum, flosculis insidentibus pedunculis: E. gr.

   Scabiosa, Knautia, Dipsacus, Cephulanthus, Globularia, Leucadendron, Protea, Brunia, Barreria, Statice T.

5. Amentaceus aggregatus flos habet Receptaculum filiforme distinctum squamis amentaceis.

   Xanthium, Anbrosia, Parthenium, Iva.

   Alnus, Betula,

   Salix, Populus.

   Corylus, Carpinus.

   Juglans, Fagus, Quercus, Liquidambar.

   Cynomorion.

   Ficus, Dorstenia, Parietaria, Urtica,

   Pinus, Abies, Cupressus, Thuja.

   Juniperus, Taxus, Ephedra.

6. Glumosus aggregatus flos habet receptaculum filiforme, cujus basis instruitur gluma communi.

   Bromus, Festuca, Arena, Arundo, Briza, Poa, Aira, Uniola, Cynosurus, Melica, Elymus, Lolium, Triticum, Secale, Hordeum, Scirpus, Cyperus, Carex.

7. Spadiceus aggregatus flos est, ubi receptaculum intra spatham, pluribus flosculis communem.

   Spadix subdivisus est in Palmis.

   Simplex tectus undique flosculis, Calla, Dracontium, Pothos.

   inferne: Arum.

   altero latere: Zostera.