Philosophia Botanica | Fructificatio | 117

117. COMPOSITUS Flos est aggregatus (116) continens flosculos plures sessiles, Receptaculo communi integro, & Perianthio contentos, sed antheris in cylindrum connatis instructos.

Proprietates floris compositi sunt:

1. Receptaculum commune ampliatum indivisum.
2. Perianthium commune flosculos omnes cingens.
3. Antherae 5 in cylindrum connatae.
4. Flosculi sessiles monopetali.
5. Germen monospermum proprium sub singulo flosculo.

Essentiale compositis est, habere antheras connatas in cylindrum, & semen unicum sub singulo flosculo.

Observa dari compositos flores, cujus calyx unico flosculo instruitur, e. gr. Echinops, Stoebe, Corymbium, Artemisia unica.

Triplices numerantur vulgo flores compositi.

1. Ligulati (Semiflosculosi Tournef.) cum corollulae flosculorum omnes planae, versus exterius latus expansae sunt.
2. Tubulosi (Flosculosi Tournef.) cum corollulae flosculorum omnes tubulosae subaequales sunt.
3. Radiatae, cum Corollulae disci tubulosae, in ambitu vero flosculi difformes sunt:

   vel in ambitu flosculis ligulatis (Radiati Tournef.)

   vel in ambitu flosculis tubulosis: Centaurea.

   vel in ambitu flosculis subnudis: Artemisia, Gnaphalium.

Constat compositus Flos saepius flosculis pluribus, rarius numero determinatis.

Ligulatis flosculis 5.	Prenanthes.
Tubulosus flosculis 20.	Eupatorium scrophulariae folio.
15.	Eupatorium perfoliatum.
5.	Eupatorium digitatum.
	Eupatorium Zeylanicum.
	Eupatorium secund. Hort. Ups.
	Eupatorium quart. Hort. Ups.
4.	Eupatorium volubile.
adiatus flosculis radii multis: Pleraeque.
20.	Arctotis.
12.	Rudbeckia.
10.	Tetragonotheca, Osteospermum.
8.	Coreopsis, Othonna.
5.	Achillaea, Eriocephalus, Micropus, Seriphium, Sigesbeckia, Acmella, Melampodium, Chrysogonum, Tagetes.
3.	Sigesbeckia.
1.	Milleria, flosculis disci 3.