Philosophia Botanica | Fructificatio | 119

119. LUXURIANS Flos Tegmenta fructificationis ita multiplicat, ut essentiales ejusdem partes destruantur; estque vel Multiplicatus, vel Plenus, vel Prolifer. Mutilus autem dicitur is flos, qui Corollam excludit.

Tegmentum floris est Perianthium & Corolla.

Fit luxurians, dum aliae partes numero augentur, ut aliae excludantur.

Oritur luxurians flos plerumque ab alimento luxuriante.

Mutilus flos nobis est, qui corollam non promit, quamquam eandem promere deberet; hoc autem plerumque sit a defectu sufficientis caloris.

Ipomea. Fl. Zeyl. 79.

Campanula pentagonia. Hort. ups. n. 3.

Ruellia. Hort. ups. 179.

Violae variae. (Diss. sem. Muscor.)

Tussilago Anandria.

Cucubalus Fl. suec. 363. lapp. 181.