VII. NOMINA.

210. DENOMINATIO alterum (151) Botanices fundamentum, facta dispositione (152), nomina primum imponat.

Nomina si nescis, perit & cognitio rerum.

Unicum ubi genus, unicum erit nomen. §. 215.

Veterum nomina plerumque praestantissima; Recentiorum pejora fuere.

Critica Botanica Denominationem genericam, specificam & variantem rationibus & exemplis proposuit; hinc de ea in praesenti paucis.