Aetates diversae diverse judicant de sapidis.

Solum diversum & clima mutat sapores.

Cultura edulcorat acida & acerba.

Cichoreum sylvestre amarum.

Lactuca sylvestris virosa.

Allium in graecia foetoris expers.

Apium palustre ingratum.

Mala in silvis acidissima.

Horaeos fructus Pyri, Mali &c. tam numerosa sobole amplificavit, ars Pomaria, ut Pyra 172. Poma 200. distincta produxerit (Teste Boerhaavio), quarum singulae solent proprio nomine condecorari, ob singularem saporem.

Erronea Nom. Specif. a sapore ludicra sunt omnia, hinc in differentiis omnino excludenda judicamus.