Species, ut noscatur, debet methodo veterum experimentum fieri in anima vili

Hippomanem si gustes, videbis experimenta periculosissima

Arum summis labris degustantes mutos reddens. Solan.

Pharmacopaeorum plantae & nomina inter synonyma sint: isti non magis nomina praescribant Botanicis, quam ipsi, ex Botanicis principiis, recedunt a suo usu.

Anne ex uno genere Convolvuli, Turbith, Mehoaanna, Scammonium &c. Pharmacopaeorum gratia conficienda, contra leges Creatoris, totidem genera.

Anne ex una eademque Punica plura genera plantarum condenda, ex Floribus Balaustium, ex fructu Granatum, ex cortice fructus Malacorium? Sit mens Sana in Sano corpore.

Erronea Nom. Specif. pronunciamus esse omnia; quae vires aut usum in se comprehendunt, sive ea ab officinis, sive a salubritate, sive a Diaeta, sive ab oeconomicis, s. ab Historicis notam acceperunt.