Philosophia Botanica | Fructificatio | 86

IV. FRUCTIFICATIO.

86. FRUCTIFICATIO (79) Vegetabilium pars temporaria, Generationi dicata, antiquum terminans, novum incipiens, hujus partes VII numerantur:

1. CALYX, Cortex plantae in fructificatione praesens.

1. Perianthium, Calyx plantae (78) Fructificationi contiguus.
   1. Fructificationis, Stamina Germenque includens.
   2. Floris, Stamina absque Germine continen .
   3. Fructus, Germen absque Staminibus continens.
2. Involucrum f. 135. Calyx Umbellae (29) a flore remotus.
   1. Universale umbellulae universali subjectum.
   2. Partiale umbellulae partiali subjectum.
3. Amentum f. 137. Calyx ex Receptaculo communi paleaceo-gemmaceo.
4. Spatha f. 132. 133. Calyx Spadicis (31) longitudinaliter ruptus.
5. Gluma f. 134. Calyx Graminis, valvis amplexantibus Arista, mucro glumae insidens.
6. Calyptra f. 136. Calyx Musci cucullatus, antherae superimpositus.
7. Valva f. 139. Calyx Fungi membranaceus, undique lacerus.

2. COROLLA, Liber plantae in Flore praesens.

8. Petalum, tegmen floris corollaceum.
   1. Tubus f. 142. a. corollae monopetalae pars inferior tubulosa.
   2. Limbus f. 142. b. corollae monopetalae pars superior dilatata.

      Campanulatus, ventricosus absque tubo.

      Infundibuliformis, conicus, tubo impositus.

      Hypocrateriformis, f. 142. planus, tubo impositus.

      Rotatus planus, nulli tubo impositus.

      Ringens, irregularis, in duo labia personatus.

   3. Unguis f. 144. a Corollae polypetalae pars inferior basi adfixa.
   4. Lamina f. 144. b. Corollae polypetalae pars superior patula.

      Cruciformis f. 144. petalis quatuor aequalibus patens.

      Papilionacea irregularis: petalo inferiore cymbiformi, superiori adscendente; lateralibus solitariis.

9. Nectarium pars mellifera flori propria f. 145. 146. 147. 148.

3. STAMEN, Viscus pro Pollinis praeparatione.

10. Filamentum pars elevans adnectensque Antheram.
11. Anthera pars floris gravida Polline, quod matura dimittit.
12. Pollen, pulvis Floris, humore rumpendus, atomosque elasticos ejaculans.

4. PISTILLUM, Viscus fructui adhaerens, pro Pollinis receptione.

13. Germen rudimentum Fructus immaturi in flore.
14. Stylus pars Pistilli, Stigma elevans a Germine.
15. Stigma summitas Pistilli madida humore Pollen rumpendo.

5. PERICARPIUM, Viscus gravidum seminibus, quae natura dimittit.

16. Capsula f. 160. 159. 161. Pericarpium cavum, determinate dehiscens.

    Valvula f. 159. a. Paries, quo fructus tegitur externe.

    Dissepimentum f. 159. b. paries, quo fructus interne distinguitur in concamerationes plures.

    Columella f. 159. c. pars connectens parietes internos cum seminibus.

    Loculamentum f. 159. d. concameratio vacua pro seminum loco.

17. Siliqua f. 155. Pericarpium bivalve, adfigens semina secundum suturam utramque.
18. Legumen f. 154. Pericarpium bivalve, adfigens semina secundum suturam alteram tantum.
19. Conceptaculum f. 153. Pericarpium univalve, latere longitudinaliter dehiscens, a seminibus distinctum.
20. Drupa f. 157. Pericarpium farctum evalve, Nucem continens.
21. Pomum f. 158. Pericarpium farctum evalve, Capsulam continens.
22. Bacca f. 158. Pericarpium farctum evalve, Semina ceteroquin nuda continens.
23. Strobilus f. 138. Pericarpium ex Amento factum.

6. SEMEN, pars vegetabilis decidua, novi rudimentum, pollinis irrigatione vivificatum.

24. Semen (proprie) novum vegetabilis rudimentum, humore rigatum, vesica tunicatum.
    1. Corculum novae plantae primordium intra semen.

       Plumula pars corculi squamosa adscendens.

       Rostellum pars corculi simplex descendens.

    2. Cotyledon, corpus laterale seminis, bibulum, caducum.
    3. Hilum, cicatrix externa seminis ab ejusdem adfixione in fructu.
    4. Arillus, tunica propria exterior seminis, sponte secedens.
    5. Cornula, calyculus adhaerens, quo volitat.

       Pappus f. 162. corona pennacea, pilosave volitans.

       Stipes, filum elevans connectensque Pappum & Semen.

    6. Ala, membrana, qua volitante disseminantur, adfixa semini.
25. Nux, semen tectum epidermide ossea.
26. Propago, Semen Musci decorticatum, detectum 1750.

7. RECEPTACULUM, basis qua partes fructificationis VI. connectuntur.

27. Receptaculum Proprium, quod partes unius tantum fructificationis respicit.

    Fructificationis, pro Flore & Fructu commune.

    Floris, basis, ubi floris partes absque Germine adfiguntur.

    Fructus, basis pro fructu, remota a floris receptaculo.

    Seminum, basis, qua semina intra Pericarpium affiguntur. f. 161.

28. Receptaculum Commune connectens flosculos plures ita, ut, si aliqui eximantur, irregularitas caussetur. f. 140.

    Palea, lamella innata, flosculos distinguens. f. 141.

29. Umbella, receptaculum ex centro eodem elongatum in pedunculos filiformes proportionatos.
    1. Simplex, quae non subdividitur, ut Panax.
    2. Composita, cujus omnes pedunculi apice umbellulas gerunt.

       Universalis, quae alias umbellulas apicibus gignit.

       Partialis umbellula, quae prodiit ex universali.

30. Cyma receptaculum ex centro eodem universali, partialibus vero vagis, elongatum in pedunculos fastigiatos.
31. Spadix f. 133. b. Receptaculum Palmae enatum intra spatham, in ramulos fructificantes.