Philosophia Botanica | Fructificatio | 127

127. COMPOSITI (117) flores implentur (121) vel Petalis tubulatis vel planis.

Compositi Syngenesiae flores intelliguntur ex dictis.

Constant hi vel corollulis fistulosis (Flosculosis T.).

vel corollulis ligulatis (Semiflosculosis T.)

vel corollulis fistulosis disci, ligulatis ambitus (Radiati T.

Impletio, hisce intellectis, fit in compositis, duplici modo.

1. Pleni per Radium in Radiatis, dum Radius multiplicatus expellit discum floris:

   Helianthus, Calendula, Chrysanthemum.

   Anthemis, Matricaria, Ptarmica, Tagetes.

   Matricaria flore pleno. C. B.

   Centaureae Cyanus.

2. Pleni per discum, cum radius non multiplicatus, sed corollulae disci elongantur & ore minus dividuntur; quibusdam radius planus etiam fit fistulosus.

   Matricaria foliis florum fistulosis H. A. P.

   Bellis horta rubr. flore multiplici fistuloso. T.

   Tagetes max. rect. flore multiplicato. Herm. lugdb.

   flore fistuloso duplicato. Herm. lugdb.

   Serratulae Carduus in avena fit plena corollulis elongatis & majoribus.