Radiati T. saepius ita implentur, ut radius discum excludat, tum evadunt omnes flosculi implentes similes radio naturali e. g. Matricaria, Bellis, Chrysanthemum, Tagetes flore pleno, ad singulum flosculum s. petalum stylo proprio instruuntur.

Helianthus, Calendula, Centaurea flore pleno, cum discus extruditur a multiplicato radio, observes singulum petalum carere stylo, quemadmodum radius.

Cum itaque nullus radii flosculus, in flore naturali Radiato, gaudet Antheris, sequitur etiam facillima distinctio inter semiflosculos T. & Radiatos plenos. (130)