Philosophia Botanica | Characteres | 205

205. Classis (160) genere (159) magis arbitraria (162) est, utrisque magis Ordo (161).

Classis vocabulum in denominatione minus nocet, si aberret, quam Generis nomen.

Cave ne seduceris ab adfinitate Generum cum Classibus & Ordinibus, ne ordines naturales ad Genera reducas, immo tandem & Classes.

1. Malva, Althaea, Alcea, Lavatera, Urena, Hibiscus, ord. 34.
2. Sedum, Sempervivum, Cotyledon, Crassula, Tillea ord. 46.
3. Cactus, Mesembryanthemum, Aizoon, Tetragonia ord. 46.
4. Lychnis, Coronaria, Agrostema, Silene, Dianthus, Saponaria, Cerastium, Spergula, Arenaria, Moerhingia, Sagina. ord. 42.

Sic ex ordinibus Columniferis, Stellatis, Umbellatis, Siliquosis, Verticillatis fierent totidem genera, sed adeo vasta: ut barbariem inducerent.

Orchideae (ord 4.) omnes in idem Genus confluerent, & Scitamina (ord. 3.) in alterum & hi demum in unum, sic primum Casus Botanices, & ruina ex proprio generum pondere.