Particulae distinguentes hujus loci sunt: Comma (,), Comma cum Puncto (;), Colon (:), & Punctum (.).

Differentia specifica per particulas rite interstinctas evidentissima evadit.

Ego utor Commate ad distinguendum partes; Colon autem adhibeo, ubi partis subdivisio est; Puncto autem claudo differentiam. A.

Alii utuntur Commate cum Puncto ad distinguendum partes; Commate vero distinguunt iidem omnia adjectiva. B.

Antecessores Commate & partes & adjectiva plerumque distinxerunt. C.

A. Bauhinia inermis, foliis cordatis semibifidis: laciniis acuminato-ovatis erecto-dehiscentibus. H. C.

B. Bauhinia inermis, foliis cordatis, semibifidis; laciniis acuminato-ovatis, erecto-dehiscentibus. H. C.

C. Bauhinia inermis, foliis cordatis, semibifidis, laciniis acuminato-ovatis, erecto-dehiscentibus. H. C.